Yn unol â’n harferiad yn Eglwys Minny Street byddwn, yn ystod Mis Awst, yn myfyrio’n wythnosol ar yr Ysgrythur. Eleni, mae’r Gweinidog wedi dewis fel testun i’n hastudiaeth Salmau 1, 23, 51 a 145. Ar linellau a gofodau hen nodiant Llyfr y Salmau mae nodau dedwydd o foddhad, hyder ac ymddiriedaeth. Hefyd ceir seiniau lleddf digalondid, unigrwydd, ofn ac amheuaeth. Mae’r Salmau yn mynegi calon ac enaid y profiad dynol - y llawenydd a’r diflastod.

Bob Bore Sul yn ystod Mis Awst, gan gychwyn yfory, cawn gyfle i ystyried y Salm mewn myfyrdod byr wedi ei baratoi gan ein Gweinidog.