Diolch am gwmni'r cerddwyr bore heddiw: camau, cwmni, cymdeithas, coffi Caffi Castan; roedd Awstin yn hollol iawn: Solvitur ambulando. Wedyn ymlaen i'r Deml Heddwch; diolch i Craig Owen am ein tywys o gwmpas yr adeilad arwyddocaol hwn; cawsom ragwelediad i weledigaeth yr Arglwydd David Davies o Landinam ac i arwyddocâd pensaernïaeth Percy Edward Thomas. Uchafbwynt oedd cael gweld a throi tudalen y Llyfr Coffa Cymreig, sy'n cynnwys dros 35,000 o enwau o'r rhai a gollodd eu bywyd yn ystod Y Rhyfel Byd Cyntaf.