Yn yr Oedfa Foreol (10:30) Glan Môr ein perthynas â Duw fydd testun homili Owain Llyr. Daw’r darlleniad o’r Efengyl yn ôl Ioan - 21:1-14. Oedfa Gymundeb fydd hon. Cawn gyfle i gydymdeimlo â’r galarus yn ein plith, a chofio’r aelodau hynny sy’n methu a bod gyda ni, gan bellter ffordd, cystudd neu henaint. Cynhelir Ysgol Sul. Gwen fydd yn arwain defosiwn yr ifanc. Boed bendith.

Bydd paned a nwyddau Masnach Deg yn y Festri wedi’r Oedfa Foreol.

Liw nos (18:00), bydd Owain yn parhau â’r gyfres o bregethau: Llythyr Cyntaf Timotheus at Paul. Bydd y bregeth hon hefyd ar ffurf deialog (o fath). Darllenir pennod agoriadol llythyr cyntaf Paul at Timotheus fesul darn a bydd Owain yn ymateb i’r adnodau rheini fel Timotheus. Gellid darllen 1 Timotheus 2 rhag blaen.

Methu dod i’r Oedfaon? Ymunwch â ni trwy gyfrwng negeseuon trydar @MinnyStreet #AddolwnEf Dechrau toc wedi 10:30/18:00.

PIMS nos Lun (5/11; 19:00-20:30 yn y Festri): Ych! Y Deg Pla!

Bydd ein Hymddiriedolwyr yn cwrdd nos Lun. Boed bendith Duw ar eu gwaith.

Nos Fawrth (6/11; 19:30-20:30): ‘Bethania’. Echel ein trafodaeth eleni yw ‘Ruth ac Esther’. Trown at y drydedd bennod o Lyfr Ruth. Darperir nodiadau ‘Bethania’ rhag blaen ar y wefan hon bore dydd Llun.

Koinônia amser cinio dydd Mercher (7/11): Mae ‘na fwy i bryd o fwyd o gwmpas bwrdd na bodloni’r archwaeth am fwyd. Mae’n gyfle i rannu syniadau, i drafod, i gymdeithasu a dod i nabod ein gilydd yn well. Dyna sy’n digwydd yn y Koinônia misol.

8/11 19:30-20:30 Cyngor Eglwysi Cymraeg Caerdydd (yng Nghapel y Crwys, Heol Richmond): Sarah Morris yn sôn am gynllun "Agor y Llyfr". Gweddïwn am wenau Duw ar waith a chenhadaeth Cyngor Eglwysi Cymraeg Caerdydd.